№1 қалалық емханада дәрілік заттарды ұтымды пайдалану тақырыбына арналған оқу семинары өтті. Іс-шараның мақсаты — дәрілерді дұрыс тағайындау мен қолданудың маңыздылығын атап өту, сондай-ақ оларды ұтымсыз пайдалануға байланысты қауіп-қатерлерді азайту.
Семинар барысында препараттардың өзара әрекеттесуі мен қауіпсіз ем жүргізу қағидалары қарастырылды.
Мұндай оқу кездесулері мамандардың кәсіби дағдыларын жетілдіруге және пациенттерге сапалы медициналық көмек көрсетуге септігін тигізеді.
Қызметкерлерді оқытумен қатар, емхана тұрғындар арасында да белсенді түсіндіру жұмыстарын жүргізіп, пациенттерді дәрі-дәрмектерді дұрыс қабылдау, өзін-өзі емдеуге жол бермеу және дәрігердің нұсқауларын орындаудың маңыздылығы туралы ақпарат береді.
