№1 қалалық емханада сыбайлас жемқорлыққа қарсы жауапкершілік және кәсіби қызметінде адалдық қағидаттарын сақтау мәселелері бойынша жұмысқа жаңа қабылданған қызметкерлермен кездесу өтті.
Комплаенс - маман Сыбайлас жемқорлыққа қарсы негізгі талаптар туралы айтып, Қазақстан Республикасының заңнамасында көзделген құқық бұзушылықтар үшін жауапкершілік туралы еске салды.
Кездесу барысында келесі тақырыптар қамтылды:
- пара алу және заңсыз сыйлықақының өзге де нысандары;
- лауазымдық өкілеттіктерін теріс пайдалану;
- қызметтік ақпаратты жеке мақсатта заңсыз пайдалану;
- мүдделер қақтығысы және оның салдары;
- бейресми «алғыс» пен делдалдар арқылы игiлiктер мен артықшылықтар алуға жол бермеу.
Бір қарағанда, кішігірім тәртіп бұзушылық болып көрінгенімен бұл әрекет тәртіптік, әкімшілік және қылмыстық жауапкершілікке әкелуі мүмкін, сонымен қатар қызметкердің де, жалпы медициналық ұйымның да беделіне нұқсан келтіруі мүмкін екендігіне ерекше назар аударылды.
Мұндай кездесулер жаңадан жұмысқа келген қызметкерлерге жұмыстың алғашқы күндерінен бастап сыбайлас жемқорлыққа қарсы стандарттарды сақтаудың маңыздылығын түсінуге, өз міндеттеріне жауапкершілікпен қарау және пациенттердің денсаулық сақтау жүйесіне деген сенімін нығайтуға көмектеседі.
